| | ᠪᠤᠶᠠᠨ ᠬᠤᠷᠢᠶᠠᠭᠴᠢ ᠰᠦᠮᠡ ᠪᠤᠯ ᠬᠠᠷᠠᠴᠢᠨ ᠴᠢᠨ ᠸᠠᠩ ᠤᠨ ᠭᠡᠷ ᠤᠨ ᠰᠦᠮᠡ ᠶᠤᠮ᠃ ᠴᠢᠩ | ᠤᠯᠤᠰ ᠤᠨ ᠦᠶᠡ ᠳᠠᠬᠢ ᠮᠤᠩᠭᠤᠯ ᠤᠷᠤᠨ ᠤ ᠲᠥᠪᠡᠳ ᠤᠯᠠᠮᠵᠢᠯᠠᠯᠲᠦ ᠰᠦᠮᠡ ᠬᠡᠶᠢᠳ ᠤᠨ ᠨᠢᠭᠡ ᠪᠤᠯᠤᠨᠠ᠃ | ᠴᠢᠩ ᠤᠯᠤᠰ ᠤᠨ ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠦᠶᠡ ᠳᠤ ᠡᠬᠢᠯᠡᠨ ᠪᠠᠶᠢᠭᠤᠯᠵᠤ᠂ ᠡᠵᠡᠯᠡᠬᠦ ᠭᠠᠵᠠᠷ ᠨᠢ 6136 | ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠪᠠᠶᠢᠵᠤ᠂ ᠪᠠᠳᠠᠷᠠᠨ ᠬᠦᠭᠵᠢᠯᠲᠡ ᠶᠢᠨ ᠦᠶᠡ ᠳᠡᠭᠡᠨ 450 ᠭᠠᠷᠤᠢ ᠯᠠᠮᠠ | ᠬᠤᠸᠠᠷᠠᠭ ᠲᠠᠢ ᠪᠠᠶᠢᠵᠠᠢ᠃ 2001 ᠣᠨ ᠳᠤ᠂ ᠤᠯᠤᠰ ᠤᠨ ᠴᠢᠬᠤᠯᠠ ᠲᠡᠤᠬᠡ ᠶᠢᠨ ᠳᠤᠷᠠᠰᠬᠠᠯᠲᠦ ᠵᠦᠢᠯ ᠢ | ᠬᠠᠮᠠᠭᠠᠯᠠᠬᠤ ᠨᠢᠭᠡᠴᠡ ᠪᠠᠷ ᠵᠢᠭᠰᠠᠭᠠᠭᠳᠠᠵᠠᠢ᠃ ᠴᠢᠩ ᠤᠯᠤᠰ ᠤᠨ ᠦᠶᠡ ᠳᠠᠬᠢ ᠸᠠᠩ ᠭᠦᠩ ᠤᠨ ᠡᠷᠬᠡ ᠬᠦᠴᠦᠨ | ᠮᠠᠰᠢ ᠶᠡᠭᠡ ᠲᠤᠯᠠ᠂ ᠲᠤᠰ ᠭᠡᠷ ᠤᠨ ᠰᠦᠮᠡ ᠢ ᠴᠦ ᠮᠠᠰᠢ ᠰᠦᠷ ᠵᠢᠪᠬᠤᠯᠠᠩ ᠲᠠᠢ ᠪᠠᠶᠢᠭᠤᠯᠵᠠᠢ᠃ ᠰᠦᠮᠡ | ᠨᠢ ᠬᠤᠶᠠᠷ ᠬᠦᠷᠢᠶᠡ᠂ ᠲᠠᠪᠤᠨ ᠲᠤᠭᠠᠩ ᠢᠶᠠᠷ ᠪᠦᠷᠢᠯᠳᠦᠵᠦ᠂ 200 ᠢᠯᠡᠭᠦᠦ ᠪᠤᠷᠬᠠᠨ ᠤ ᠬᠦᠷᠦᠭ ᠵᠢᠷᠤᠭ ᠢ | ᠲᠠᠬᠢᠵᠤ ᠪᠠᠶᠢᠨᠠ᠃ ᠬᠡᠳᠦᠶᠢᠪᠡᠷ ᠰᠤᠶᠤᠯ ᠤᠨ ᠬᠤᠪᠢᠰᠬᠠᠯ ᠤᠨ ᠦᠶᠡ ᠳᠤ ᠡᠪᠳᠡᠭᠳᠡᠭᠰᠡᠨ ᠪᠤᠯᠪᠠᠴᠤ᠂ ᠬᠤᠵᠢᠮ | ᠨᠢ ᠬᠡᠳᠦᠨᠳᠡ ᠵᠠᠰᠠᠨ ᠰᠡᠯᠪᠢᠬᠦ ᠪᠠᠷ ᠳᠠᠮᠵᠢᠵᠤ᠂ 1997 ᠣᠨ ᠳᠤ ᠳᠠᠬᠢᠨ ᠠᠮᠢᠯᠠᠵᠤ᠂ ᠰᠢᠨᠡ ᠶᠢᠨ ᠨᠢᠭᠡᠨ᠂ | ᠠᠷᠪᠠᠨ ᠲᠠᠪᠤᠨ ᠳᠤ ᠬᠤᠷᠠᠯ ᠬᠤᠷᠠᠬᠤ ᠂ 7 ᠰᠠᠷᠠ ᠶᠢᠨ 15 ᠳᠤ ᠰᠦᠮᠡ ᠶᠢᠨ ᠬᠤᠷᠠᠯ᠂ ᠴᠠᠮᠠ ᠦᠰᠦᠷᠬᠦ | ᠵᠡᠷᠭᠡ ᠭᠤᠣᠯ ᠱᠠᠰᠢᠨ ᠤ ᠠᠵᠢᠯᠯᠠᠭᠠ ᠶᠢ ᠰᠡᠷᠭᠦᠭᠡᠵᠡᠢ᠃ | ᠪᠤᠶᠠᠨ ᠬᠤᠷᠢᠶᠠᠭᠴᠢ ᠰᠦᠮᠡ ᠨᠢ ᠴᠢᠩ ᠤᠯᠤᠰ ᠤᠨ ᠡᠷᠲᠡᠨ ᠤ ᠦᠶᠡ ᠶᠢᠨ ᠭᠡᠭᠡᠨᠴᠢᠷ ᠭᠤᠶᠤᠮᠰᠤᠭ | ᠪᠠᠷᠢᠯᠭᠠ ᠶᠢᠨ ᠬᠡᠪ ᠨᠠᠮᠪᠠᠭᠠ ᠲᠠᠢ ᠪᠠᠶᠢᠵᠤ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ ᠬᠤᠶᠢᠲᠤ ᠤᠷᠤᠨ ᠤ ᠵᠠᠰᠠᠭ ᠲᠦᠷᠥ ᠶᠢᠨ | ᠰᠦᠷ ᠵᠢᠪᠬᠤᠭᠠ ᠶᠢ ᠭᠦᠢᠴᠡᠳ ᠬᠠᠷᠢᠭᠤᠯᠵᠠᠢ᠃ ᠰᠦᠮᠡ ᠶᠢᠨ ᠡᠮᠦᠨᠡᠬᠢ ᠲᠦᠷᠪᠡᠨ ᠮᠠᠬᠠᠷᠠᠨᠵᠠ ᠶᠢᠨ ᠬᠠᠷᠰᠢ ᠤᠨ | ᠡᠭᠦᠳᠡᠨ ᠳᠠᠬᠢ ᠦᠨᠳᠦᠷ ᠲᠤᠭ ᠤᠨ ᠲᠡᠭᠡᠷᠡ ︽ ᠤᠸ᠋ᠮ ᠮᠠ ᠨᠢ ᠫᠠᠳ ᠮᠧᠢ ᠬᠤᠩ︾ ᠬᠡᠮᠡᠬᠦ ᠬᠤᠮᠰᠢᠮ | ᠪᠤᠳᠢᠰᠠᠳ᠋ᠸᠠ ᠶᠢᠨ ᠵᠢᠷᠦᠬᠡᠨ ᠲᠠᠷᠨᠢ ᠶᠢ ᠪᠢᠴᠢᠵᠥ᠂ ᠳᠦᠷᠪᠡᠨ ᠶᠡᠭᠡ ᠮᠠᠬᠠᠷᠠᠨᠵᠠ ᠠᠨᠤ ᠵᠦᠢᠯ ᠪᠦᠷᠢ ᠶᠢᠨ ᠲᠤᠭᠰᠢᠨ | ᠳᠦᠷᠢ ᠶᠢ ᠢᠯᠡᠷᠡᠭᠦᠯᠵᠦ᠂ ᠳᠦᠷᠪᠡᠨ ᠵᠤᠪᠬᠢᠰ ᠢ ᠰᠠᠬᠢᠨ ᠠᠬᠤ ᠪᠤᠯᠠᠢ᠃ | ᠮᠠᠬᠠᠷᠠᠨᠵᠠ ᠶᠢᠨ ᠬᠠᠷᠰᠢ ᠪᠠᠷ ᠲᠣᠳᠤᠭᠰᠢ ᠤᠷᠤᠪᠠᠰᠤ᠂ ᠭᠤᠣᠯ ᠳᠤᠨᠢ ᠲᠠᠪᠤᠨ ᠲᠠᠰᠤᠯᠭᠠ ᠶᠡᠭᠡ ᠬᠠᠷᠰᠢ | ᠦᠵᠡᠭᠳᠡᠵᠦ᠂ ᠬᠤᠶᠠᠷ ᠲᠠᠯᠠ ᠳᠤᠨᠢ ᠬᠡᠩᠭᠡᠷᠭᠡ ᠶᠢᠨ ᠠᠰᠠᠷ ᠰᠦᠨᠳᠡᠷᠯᠡᠮᠤᠢ᠃ ᠰᠢᠨᠡ ᠶᠢᠨ ᠨᠢᠭᠡᠨ᠂ ᠠᠷᠪᠠᠨ | ᠲᠠᠪᠤᠨ ᠤ ᠶᠡᠭᠡ ᠬᠤᠷᠠᠯ ᠬᠤᠷᠠᠬᠤ ᠦᠶᠡᠰ ᠡᠨᠡ ᠬᠡᠩᠭᠡᠷᠭᠡ ᠶᠢ ᠳᠡᠯᠳᠡᠳᠡᠭ ᠪᠤᠯᠠᠢ᠃ ᠶᠡᠭᠡ ᠬᠠᠷᠰᠢ ᠲᠤᠷ ᠴᠠᠭᠯᠠᠰᠢ | ᠦᠭᠡᠢ ᠤᠷᠲᠤ ᠨᠠᠰᠤᠲᠤ ᠪᠤᠷᠬᠠᠨ᠂ ᠴᠠᠭᠠᠨ ᠳ᠋ᠾᠠᠷᠠ ᠡᠬᠡ᠂ ᠨᠠᠮᠵᠢᠯᠠᠮᠠ ᠲᠡᠶᠢᠨ ᠢᠯᠠᠭᠤᠭᠰᠠᠨ ᠡᠬᠡ ᠶᠢ ᠲᠠᠬᠢᠵᠤ | ᠪᠠᠶᠢᠳᠠᠭ᠃ | ᠭᠤᠷᠪᠠᠳᠤᠭᠠᠷ ᠶᠡᠭᠡ ᠬᠠᠷᠰᠢ ᠪᠤᠯᠪᠠᠰᠤ ᠴᠤᠭᠵᠢᠨ ᠲᠣᠭᠠᠩ ᠪᠤᠯᠠᠢ᠃ ᠳᠡᠭᠡᠷᠡ ᠲᠤᠤᠷᠠ ᠨᠡᠶᠢᠲᠡ49 | ᠲᠠᠰᠤᠯᠭᠠ ᠲᠠᠢ᠂ ᠭᠤᠣᠯ ᠳᠤᠮᠳᠠ ᠠᠨᠤ ᠰᠢᠷᠠ ᠶᠢᠨ ᠱᠠᠰᠢᠨ ᠢ ᠡᠭᠦᠰᠭᠡᠨ ᠪᠠᠶᠢᠭᠤᠯᠤᠭᠴᠢ ᠽᠦᠩᠺᠠᠸᠠ ᠶᠢᠨ | ᠠᠯᠲᠠᠨ ᠭᠦᠷᠦᠭ ᠢ ᠲᠠᠬᠢᠵᠤ ᠪᠠᠶᠢᠳᠠᠭ᠃ ᠲᠤᠭᠠᠩ ᠤᠨ ᠬᠠᠶᠠᠭᠠ ᠳᠤᠷ ᠨᠢ ᠠᠷᠪᠠᠨ ᠨᠠᠢᠮᠠᠨ ᠠᠷᠬᠠᠳ ᠤᠨ ᠬᠦᠷᠦᠭ ᠢ | ᠪᠦᠳᠦᠭᠡᠵᠦ᠂ ᠪᠤᠷᠬᠠᠨ ᠪᠠᠭᠰᠢ ᠶᠢᠨ ᠵᠠᠷᠯᠢᠭ ᠢᠶᠠᠷ ᠱᠠᠰᠢᠨ ᠢ ᠪᠠᠳᠠᠷᠠᠭᠤᠯᠵᠤ ᠪᠠᠶᠢᠳᠠᠭ᠃ | ᠳᠦᠷᠪᠡᠳᠦᠭᠡᠷ ᠶᠡᠭᠡ ᠬᠠᠷᠰᠢ ᠪᠤᠯᠪᠠᠰᠤ ᠭᠤᠷᠪᠠᠨ ᠲᠠᠰᠤᠯᠭᠠ ᠵᠤᠤ ᠶᠢᠨ ᠰᠦᠮᠡ ᠪᠤᠯᠠᠢ᠃ ᠪᠤᠷᠬᠠᠨ ᠪᠠᠭᠰᠢ | ᠱᠠᠭᠵᠠᠮᠤᠨᠢ ᠶᠢ ᠲᠥᠪ ᠳᠤᠮᠳᠠ ᠳᠤᠷ ᠲᠠᠬᠢᠮᠤᠢ᠃ ᠰᠦᠮᠡ ᠶᠢᠨ ᠬᠠᠶᠠᠭᠠᠨ ᠲᠠᠭᠡᠷᠡ ᠱᠠᠭᠵᠠᠮᠤᠨᠢ ᠶᠢᠨ ᠠᠷᠪᠠᠨ | ᠬᠤᠶᠠᠷ ᠵᠤᠬᠢᠶᠠᠩᠭᠤᠢ ᠶᠢ ᠪᠢᠴᠢᠭᠯᠡᠨ ᠵᠢᠷᠤᠭᠰᠠᠨ ᠪᠠᠶᠢᠨᠠ᠃ | ᠲᠠᠪᠤᠳᠤᠭᠠᠷ ᠶᠡᠭᠡ ᠬᠠᠷᠰᠢ ᠳᠤᠷ ᠮᠠᠶᠢᠳᠠᠷᠢ ᠪᠤᠷᠬᠠᠨ ᠢ ᠲᠠᠬᠢᠵᠤ ᠪᠠᠶᠢᠳᠠᠭ᠃ | ᠪᠤᠰᠤᠳ ᠬᠠᠵᠢᠭᠤ ᠶᠢᠨ ᠬᠠᠷᠰᠢ ᠳᠤᠷ ᠣᠳᠠᠴᠢ ᠪᠤᠷᠬᠠᠨ᠂ ᠮᠠᠨᠽᠤᠰᠢᠷᠢ᠂ ᠪᠠᠳᠮᠠᠵᠤᠩᠨᠠᠢ᠂ ᠶᠠᠮᠠᠨᠳᠠᠭ ᠵᠡᠷᠭᠡ | ᠪᠤᠷᠬᠠᠳ ᠢ ᠲᠠᠬᠢᠵᠤ ᠪᠠᠶᠢᠳᠠᠭ ᠶᠤᠮ᠃ | |