| | | | | ᠰᠢᠭᠦᠮᠵᠢᠯᠡᠯ ᠪᠠ ᠵᠤᠷᠢᠭᠵᠢᠭᠤᠯᠤᠯ ᠨᠢ ᠪᠦᠷ ᠠᠳᠠᠯᠢ ᠪᠤᠰᠤ ᠶᠢᠨ ᠰᠤᠷᠭᠠᠨ ᠬᠦᠮᠦᠵᠢᠭᠦᠯᠬᠦ ᠠᠷᠭᠠ ᠪᠠᠷᠢᠯ ᠪᠤᠯᠤᠨᠠ᠃ | ᠰᠢᠭᠦᠮᠵᠢᠯᠡᠯ ᠪᠠ ᠵᠤᠷᠢᠭᠵᠢᠭᠤᠯᠤᠯ ᠳᠤ ᠵᠦᠢ ᠵᠤᠬᠢᠰᠲᠠᠢ ᠰᠢᠭᠦᠮᠵᠢᠯᠡᠯ ᠴᠠᠭ ᠢᠮᠠᠭᠲᠠ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠵᠦᠢ | ᠵᠤᠬᠢᠰᠲᠠᠢ ᠵᠤᠷᠢᠭᠵᠢᠭᠤᠯᠤᠯ ᠨᠢ ᠨᠡᠩ ᠴᠤ ᠴᠠᠭ ᠢᠮᠠᠭᠲᠠ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠤᠳᠤ ᠶᠢᠨ ᠪᠤᠳᠠᠲᠠᠢ ᠪᠠᠶᠢᠳᠠᠯ ᠭᠡᠪᠡᠯ᠂ | ᠤᠯᠠᠩᠬᠢ ᠪᠠᠭᠰᠢ ᠰᠤᠷᠤᠭᠴᠢᠳ ᠢ ᠰᠤᠷᠭᠠᠨ ᠬᠦᠮᠦᠵᠢᠭᠦᠯᠬᠦ ᠳᠡᠭᠡᠨ ᠰᠢᠭᠦᠮᠵᠢᠯᠡᠯ ᠢ ᠯᠡ ᠢᠯᠡᠭᠦᠦ ᠠᠪᠬᠤ ᠳᠤᠷᠠᠲᠠᠢ ᠪᠠᠶᠢᠵᠤ᠂ | ᠵᠤᠷᠢᠭᠵᠢᠭᠤᠯᠤᠯ ᠢ ᠬᠠᠷᠢᠨ ᠴᠦᠬᠡᠨ ᠪᠤᠯᠭᠠᠵᠤ ᠪᠠᠶᠢᠨᠠ᠂ ᠠᠷᠭᠠ ᠮᠡᠶ᠋ᠢᠭ ᠢᠶᠠᠷ ᠵᠤᠬᠢᠰ ᠦᠭᠡᠢ ᠪᠠᠶᠢᠳᠠᠭ ᠰᠢᠭᠦᠮᠵᠢᠯᠡᠯ ᠨᠢ | ᠰᠤᠷᠤᠭᠴᠢᠳ ᠤᠨ ᠰᠤᠷᠤᠯᠴᠠᠬᠤ ᠤᠷᠮᠠ ᠶᠢ ᠨᠢ ᠬᠤᠭᠤᠯᠵᠤ᠂ ᠪᠠᠭᠰᠢ ᠰᠤᠷᠤᠭᠴᠢᠳ ᠤᠨ ᠬᠠᠷᠢᠴᠠᠭᠠ ᠶᠢ ᠬᠡᠪ ᠤᠨ ᠪᠤᠰᠤ | ᠪᠠᠶᠢᠳᠠᠯ ᠳᠤ ᠤᠷᠤᠭᠤᠯᠳᠠᠭ ᠲᠤᠯᠠ ᠠᠪᠴᠤ ᠪᠤᠯᠤᠰᠢ ᠦᠭᠡᠢ ᠠᠵᠢᠯᠯᠠᠭᠠ ᠪᠤᠯᠬᠤ ᠶᠤᠮ᠃ | ᠨᠢᠭᠡ᠂ ᠠᠵᠢᠯᠯᠠᠬᠤ ᠭᠡᠷ ᠲᠡᠭᠡᠨ ᠠᠪᠠᠴᠢᠵᠤ ᠠᠰᠠᠭᠤᠯᠲᠠ ᠶᠢᠨ ᠮᠡᠶ᠋ᠢᠭ ᠢᠶᠠᠷ ᠰᠢᠭᠦᠮᠵᠢᠯᠡᠳᠡᠭ᠃ ᠪᠠᠭᠰᠢ ᠠᠴᠠ ᠨᠢᠭᠡ | ᠪᠤᠶᠤ ᠬᠡᠳᠦᠨ ᠰᠤᠷᠤᠭᠴᠢ ᠶᠢᠨ ᠠᠯᠳᠠᠭᠠ ᠳᠤᠲᠠᠭᠳᠠᠯ ᠭᠠᠷᠭᠠᠭᠰᠠᠨ ᠢ ᠰᠤᠨᠤᠰᠤᠮᠠᠭᠴᠠ ᠠᠩᠬᠢ ᠶᠢᠨ ᠳᠠᠷᠤᠭᠠ ᠪᠠᠷ ᠢᠶᠠᠨ | ᠳᠠᠭᠤᠳᠠᠭᠤᠯᠵᠤ᠂ ᠰᠤᠷᠤᠭᠴᠢ ᠲᠠᠢ ᠨᠢᠭᠤᠷ ᠤᠴᠠᠷᠠᠮᠠᠭᠴᠠ᠄ ︽ᠴᠢ ᠶᠠᠭᠤᠨ ᠳᠤ ᠢᠩᠬᠢᠵᠤ ᠠᠭᠠᠰᠢᠯᠠᠵᠤ ᠪᠠᠶᠢᠬᠤ ᠪᠤᠢ︖ | ᠢᠩᠬᠢᠬᠡᠳ ᠲᠠᠭᠠᠷᠠᠬᠤ ᠤᠤ︖ ᠁︾ ᠭᠡᠵᠤ ᠤᠭᠰᠠᠷᠠᠭᠤᠯᠤᠨ ᠠᠰᠠᠭᠤᠵᠤ᠂ ᠴᠢᠷᠠᠢ ᠪᠠᠷᠦ᠋ᠢᠯᠭᠠᠨ ᠰᠢᠭᠦᠮᠵᠢᠯᠡᠳᠡᠭ᠃ | ᠡᠨᠡ ᠨᠢ ᠬᠡᠷᠡᠭ ᠳᠡᠭᠡᠷᠡ ᠪᠠᠨ ᠠᠭᠠᠰᠢᠯᠠᠭᠰᠠᠨ ᠰᠤᠷᠤᠭᠴᠢ ᠶᠢ ᠲᠤᠬᠠᠢ ᠶᠢᠨ ᠴᠠᠭ ᠲᠤᠨᠢ ᠤᠯᠠᠨ ᠤ ᠳᠤᠮᠳᠠ ᠠᠴᠠ ᠪᠠᠶᠢᠴᠠᠭᠠᠨ | ᠰᠤᠳᠤᠯᠤᠭᠰᠠᠨ ᠦᠭᠡᠢ ᠲᠤᠯᠠ ᠪᠠᠭᠰᠢ ᠠᠰᠠᠭᠤᠨ ᠰᠤᠷᠤᠭᠴᠢ ᠬᠠᠷᠢᠭᠤᠯᠤᠨ ᠬᠡᠷᠡᠭ ᠶᠠᠪᠤᠳᠠᠯ ᠲᠤᠳᠤᠷᠬᠠᠢ ᠦᠭᠡᠢ ᠪᠤᠯᠳᠠᠭ᠃ | ᠵᠠᠷᠢᠮ ᠳᠠᠭᠠᠨ ᠬᠡᠯᠡ ᠠᠮᠠ ᠨᠢ ᠬᠤᠷᠴᠠ ᠰᠢᠭ᠋ ᠰᠤᠷᠤᠭᠴᠢ ᠬᠡᠷᠡᠭ ᠢ ᠪᠤᠰᠤᠳ ᠤᠨ ᠵᠦᠭ ᠲᠦᠯᠬᠢᠵᠤ᠂ ᠪᠠᠯᠠᠷᠬᠠᠢ ᠪᠤᠯᠭᠠᠨ | ᠬᠠᠶᠠᠵᠤ᠂ ᠰᠤᠷᠤᠭᠴᠢ ᠰᠤᠷᠤᠭᠴᠢ ᠬᠤᠭᠤᠷᠤᠨᠳᠤ ᠪᠠᠨ ᠶᠠᠮᠠᠷ ᠨᠢᠭᠡᠨ ᠪᠤᠷᠤᠭᠤ ᠶᠠᠪᠤᠳᠠᠯ ᠢ ᠬᠦᠯᠢᠶᠡᠨ ᠠᠪᠬᠤ ᠬᠦᠮᠦᠨ | ᠦᠭᠡᠢ ᠪᠤᠯᠵᠤ ᠮᠠᠷᠭᠤᠭᠠᠨ ᠡᠭᠦᠰᠴᠤ ᠡᠬᠢᠯᠡᠳᠡᠭ᠃ ᠢᠩᠬᠢᠬᠦ ᠲᠤᠰᠤᠮ ᠪᠠᠭᠰᠢ ᠠᠴᠠ ᠤᠯᠠᠮ ᠰᠠᠨᠳᠤᠷᠴᠤ᠄ ︽ᠴᠤᠬᠤᠮ | ᠬᠡᠨ ᠨᠢ ᠤᠷᠢᠳᠠᠪᠠᠷ ᠬᠡᠷᠡᠭ ᠢ ᠰᠡᠳᠦᠭᠰᠡᠨ ᠪᠤᠢ︖︾ ᠭᠡᠵᠤ ᠮᠦᠨ ᠯᠡ ᠠᠰᠠᠭᠤᠯᠲᠠ ᠲᠤᠷᠠᠳᠤᠨ ᠡᠬᠢᠯᠡᠳᠡᠭ᠃ ᠡᠰᠡᠭᠦᠯᠡ | ᠶᠠᠷᠦ ᠶᠢᠨ ᠴᠠᠭ ᠠᠯᠢᠶᠠ ᠰᠢᠭ᠋ ᠰᠤᠷᠤᠭᠴᠢ ᠶᠢ ᠡᠨᠡ ᠤᠳᠠᠭᠠᠨ ᠤ ᠬᠢᠨ ᠵᠦᠪ ᠪᠤᠷᠤᠭᠤ ᠶᠢ ᠬᠠᠶᠢᠬᠤᠷᠤᠯ ᠦᠭᠡᠢ ︽ᠪᠠᠰᠠ | ᠯᠡ ᠴᠢ ᠬᠡᠷᠡᠭ ᠢ ᠲᠠᠳᠠᠪᠠ︖︾ ᠭᠡᠵᠤ ᠨᠢᠭᠡᠨ ᠳ᠋ᠦᠩᠨᠡᠯᠲᠡ ᠦᠭᠴᠢᠭᠡᠳᠡᠭ᠃ ᠬᠤᠷᠴᠠ ᠰᠢᠷᠦᠭᠦᠨ ᠠᠰᠠᠭᠤᠯᠲᠠ | ᠬᠠᠷᠢᠭᠤᠯᠲᠠ ᠶᠢᠨ ︽ᠰᠢᠭᠦᠯᠲᠡ︾ ᠪᠠᠷ ᠳᠠᠮᠵᠢᠵᠤ᠂ ᠬᠡᠷᠡᠭ ᠶᠠᠪᠤᠳᠠᠯ ᠪᠠᠭ᠋ᠠᠨ ᠲᠤᠳᠤᠷᠬᠠᠢ ᠪᠤᠯᠤᠭᠰᠠᠨ ᠤ ᠰᠡᠭᠦᠯᠡᠷ᠂ | ᠴᠦᠬᠡᠨ ᠪᠤᠰᠤ ᠪᠠᠭᠰᠢ ᠠᠴᠠ ᠠᠯᠳᠠᠭᠠ ᠶᠡᠬᠡᠲᠡᠢ ᠰᠤᠷᠤᠭᠴᠢ ᠶᠢ ᠶᠡᠷᠦᠩᠬᠡᠢ ᠳᠡᠭᠡᠨ ︽ᠨᠢᠰᠤ ᠪᠠᠨ ᠭᠤᠭᠤᠵᠢᠭᠤᠯᠤᠭᠠᠳ᠂ | ᠲᠤᠯᠤᠭᠠᠢ ᠤᠨᠵᠢᠢᠯᠭᠠᠭᠠᠳ ᠁︾᠂ ︽ᠳᠦᠷᠪᠡᠨ ᠮᠦᠴᠢ ᠴᠢᠨᠢ ᠬᠦᠭᠵᠢᠬᠦ ᠠᠴᠠ ᠪᠢᠰᠢ ᠲᠠᠷᠢᠬᠢ ᠨᠢ ᠬᠦᠭᠵᠢᠬᠦ ᠦᠭᠡᠢ | ᠁︾ ᠭᠡᠵᠤ ᠰᠢᠭᠦᠮᠵᠢᠯᠡᠬᠦ ᠪᠤᠶᠤ ᠡᠰᠡᠭᠦᠯᠡ ᠦᠭᠡ ᠳᠠᠭᠤᠨ ᠦᠭᠡᠢ ᠪᠠᠷ ᠠᠯᠪᠠᠨ ᠭᠡᠷ ᠤᠨ ᠢᠶᠠᠨ ᠭᠤᠳᠤᠮᠵᠢ ᠳᠤ ᠤᠷᠳᠤ | ᠴᠠᠭ ᠢᠶᠠᠷ ᠵᠤᠭᠰᠤᠭᠠᠬᠤ᠂ ᠪᠠᠭᠰᠢ ᠨᠠᠷ ᠤᠨ ᠡᠮᠦᠨᠡ ᠰᠢᠨᠡ ᠬᠠᠭᠤᠴᠢᠨ ᠶᠠᠷᠠ ᠰᠢᠷᠬᠠ ᠶᠢ ᠨᠢ ᠮᠠᠯᠲᠠᠵᠤ ᠨᠢᠭᠤᠷ ᠢ ᠨᠢ | ᠤᠯᠠᠶᠢᠯᠭᠠᠵᠤ ᠨᠠᠰᠢ ᠴᠠᠰᠢ ᠴᠢᠴᠢᠵᠤ ᠮᠠᠭᠤ ᠤᠪᠤᠷ ᠢᠶᠠᠷ ᠬᠠᠨᠳᠤᠳᠠᠭ᠃ ᠳᠡᠭᠡᠷᠡᠬᠢ ᠮᠡᠲᠤ ᠶᠢᠨ ᠦᠵᠡᠭᠳᠡᠯ ᠢ ᠰᠤᠷᠭᠠᠨ | ᠬᠦᠮᠦᠵᠢᠯ ᠤᠨ ᠬᠠᠮᠢᠶᠠ ᠪᠦᠬᠦᠢ ᠨᠤᠮ ᠪᠢᠴᠢᠭ ᠲᠤ ᠠᠯᠢ ᠬᠡᠳᠦ᠋ᠢᠨ ᠦᠭᠡᠶᠢᠰᠬᠡᠬᠦ ᠬᠡᠷᠡᠭᠲᠡᠢ ᠭᠡᠵᠤ ᠳᠤᠲᠤᠷᠬᠠᠢ ᠳᠤᠷᠠᠳᠴᠤ | ᠦᠩᠭᠡᠷᠡᠭᠰᠡᠨ ᠪᠤᠯᠪᠠᠴᠤ ᠡᠶᠢᠮᠦᠷᠭᠦ ᠦᠵᠡᠭᠳᠡᠯ ᠤᠳᠤ ᠪᠤᠯᠲᠠᠯᠠ ᠤᠭ ᠦᠨᠳᠦᠰᠦ ᠨᠢ ᠲᠠᠰᠤᠷᠠᠭᠠᠳᠦᠢ ᠮᠦᠨ ᠯᠡ ᠨᠡᠶᠢᠳᠡᠮ | ᠤᠷᠤᠰᠢᠭᠰᠠᠭᠠᠷ ᠪᠠᠶᠢᠯᠠ᠃ ᠪᠠᠭᠰᠢ ᠠᠴᠠ ᠬᠠᠮᠤᠭ ᠡᠴᠤᠰ ᠲᠤ᠄ ︽ᠳᠠᠬᠢᠵᠤ ᠢᠩᠬᠢᠵᠤ ᠪᠤᠯᠬᠤ ᠦᠭᠡᠢ︕ ᠴᠢᠩᠬᠢᠵᠤ | ᠪᠤᠯᠬᠤ ᠦᠭᠡᠢ︕︾᠂ ︽ᠠᠩᠬᠠᠨ ᠳᠠᠭᠠᠨ ᠰᠤᠷᠤᠯᠭᠠ ᠴᠢᠨᠢ ᠨᠡᠯᠢᠶᠡᠳ ᠵᠦᠭᠡᠷ ᠪᠠᠶᠢᠭᠰᠠᠨ ᠶᠤᠮ᠂ ᠤᠳᠤ | ᠠᠭᠠᠰᠢᠯᠠᠭᠰᠠᠭᠠᠷ ᠪᠠᠶᠢᠭᠠᠳ ᠳᠡᠭᠡᠷᠡ ᠤᠳᠠᠭᠠᠨ ᠤ ᠰᠢᠯᠭᠠᠯᠲᠠ ᠠᠴᠠ ᠪᠠᠨ ᠮᠠᠭᠤ ᠰᠢᠯᠭᠠᠭᠰᠠᠨ ᠦᠭᠡᠢ ᠤᠤ︖︾ ᠁ | ᠭᠡᠬᠦ ᠮᠡᠲᠤ ᠶᠢᠨ ᠬᠠᠭᠠᠰ ᠰᠢᠭᠦᠮᠵᠢᠯᠡᠯ ᠬᠠᠭᠠᠰ ᠵᠤᠷᠢᠭᠵᠢᠭᠤᠯᠤᠯ ᠭᠡᠮᠡᠷ ᠶᠠᠭᠤᠮᠠ ᠬᠡᠯᠡᠭᠡᠳ ᠠᠩᠬᠢ ᠳᠤᠨᠢ ᠪᠤᠴᠠᠭᠠᠴᠢᠬᠠᠳᠠᠭ᠃ | | ᠬᠤᠶᠠᠷ᠂ ᠬᠢᠴᠢᠶᠡᠯ ᠤᠨ ᠴᠠᠭ ᠵᠤᠬᠢᠰ ᠦᠭᠡᠢ ᠦᠬᠡᠰ ᠢᠶᠠᠷ ᠰᠢᠭᠦᠮᠵᠢᠯᠡᠳᠡᠭ᠃ ᠵᠠᠷᠢᠮ ᠪᠠᠭᠰᠢ ᠠᠴᠠ ᠠᠰᠠᠭᠤᠳᠠᠯ ᠢ | ᠬᠠᠷᠢᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠤᠶᠤ ᠡᠰᠡᠭᠦᠯᠡ ︽ᠪᠠᠭᠠ ᠬᠦᠳᠡᠯᠭᠡᠭᠡᠨ︾ ᠬᠢᠵᠤ ᠪᠠᠶᠢᠭᠠ ᠰᠤᠷᠤᠭᠴᠢ ᠶᠢ ᠬᠢᠴᠢᠶᠡᠯ ᠤᠨ | ᠴᠠᠭ ᠲᠤ ᠲᠡᠷᠡ ᠲᠡᠷᠤᠢ ᠳᠤᠨᠢ ᠨᠡᠷᠡ ᠵᠢᠭᠠᠵᠤ ᠵᠤᠭᠰᠤᠭᠠᠨ ᠰᠢᠭᠦᠮᠵᠢᠯᠡᠳᠡᠭ᠃ ᠵᠢᠱᠢᠶᠡᠯᠡᠪᠡᠯ᠄ ︽ᠴᠢ ᠶᠠᠭᠠᠬᠢᠭᠠᠳ ᠬᠡᠯᠡᠭᠡᠳ | ᠮᠡᠳᠡᠭᠦ ᠦᠭᠡᠢ ᠪᠤᠢ︖︾᠂ ︽ᠶᠠᠭᠠᠬᠢᠵᠤ ᠠᠭᠠᠰᠢᠯᠠᠵᠤ ᠪᠠᠶᠢᠬᠤ ᠪᠤᠢ︾ ᠁ ᠭᠡᠵᠤ ᠨᠢᠭᠡ ᠵᠡᠷᠭᠡ ᠠᠰᠠᠭᠤᠴᠢᠬᠠᠭᠠᠳ | ᠦᠷᠭᠦᠯᠵᠢᠯᠡᠨ ᠬᠢᠴᠢᠶᠡᠯ ᠲᠠᠶᠢᠯᠪᠦᠷᠢᠯᠠᠬᠤ ᠶᠢᠨ ᠳᠠᠭᠠᠤ ᠲᠡᠳᠡᠭᠡᠷ ᠰᠤᠷᠤᠭᠴᠢ ᠠᠴᠠ ᠵᠤᠷᠢᠭᠤᠳᠠ ᠶᠠᠮᠠᠷ ᠨᠢᠭᠡᠨ ᠠᠰᠠᠭᠤᠳᠠᠯ ᠢ | ᠠᠰᠠᠭᠤᠭᠠᠳ ᠠᠪᠳᠠᠭ᠃ ᠬᠠᠷᠢᠭᠤᠯᠤᠭᠠᠳ ᠴᠢᠳᠠᠴᠢᠬᠠᠪᠠᠯ ᠪᠠᠰᠠ ᠭᠠᠶᠢᠭᠤᠢ᠂ ᠬᠡᠷᠪᠡ ᠬᠠᠷᠢᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠤᠯ | ᠪᠠᠭᠰᠢ ᠠᠴᠠ ᠠᠭᠤᠷ ᠪᠠᠳᠠᠷᠠᠨ᠄ ︽ᠬᠢᠵᠤ ᠪᠠᠶᠢᠭᠠ ᠠᠰᠠᠭᠤᠳᠠᠯ ᠢᠶᠠᠨ ᠦᠵᠡ︕︾᠂ ︽ᠶᠠᠭᠤ ᠴᠤ ᠴᠢᠳᠠᠬᠤ ᠦᠭᠡᠢ | ᠪᠠᠶᠢᠭᠠᠳ ᠠᠭᠠᠰᠢᠯᠠᠬᠤ ᠶᠢ ᠯᠡ ᠮᠡᠳᠡᠨᠡ︕︾ ᠁ ᠭᠡᠵᠤ ᠠᠭᠰᠤᠮᠨᠠᠨ ᠭᠠᠷᠳᠠᠭ᠃ ᠦᠨᠡᠨ ᠳᠡᠭᠡᠨ ᠠᠩᠬᠠ ᠵᠡᠷᠭᠡ ᠪᠠ | ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢᠳ ᠤᠨ ᠬᠢᠴᠢᠶᠡᠯ ᠤᠨ ᠴᠠᠭ ᠲᠤ ᠰᠡᠳᠬᠢᠯ ᠲᠦᠪᠯᠡᠷᠡᠵᠤ ᠰᠤᠨᠤᠰᠬᠤ ᠬᠤᠭᠤᠴᠠᠭᠠ ᠶᠢ | ᠵᠦᠪᠬᠡᠨ 15- 20 ᠮᠢᠨᠦ᠋ᠲ ᠯᠡ ᠪᠠᠶᠢᠳᠠᠭ ᠭᠡᠳᠡᠭ ᠢ ᠰᠠᠨᠠᠭᠠᠨ ᠳᠠᠭᠠᠨ ᠠᠪᠬᠤ ᠬᠡᠷᠡᠭᠲᠡᠢ᠃ ᠶᠠᠭ ᠢᠶᠢᠮᠦ ᠠᠴᠠ ᠪᠠᠭᠠ | ᠬᠡᠤᠬᠡᠳ ᠤᠨ ᠵᠤᠬᠢᠬᠤ ᠬᠡᠪᠴᠢᠶᠡᠨ ᠲᠤᠳᠤᠷᠠ ︽ᠪᠠᠭᠠ ᠬᠦᠳᠡᠯᠭᠡᠭᠡᠨ︾ ᠬᠢᠬᠦ ᠶᠢ ᠵᠦᠪᠰᠢᠶᠡᠷᠡᠬᠦ ᠪᠤᠯ ᠵᠤᠬᠢᠰᠲᠠᠢ ᠬᠡᠷᠡᠭ | ᠶᠤᠮ᠃ ᠡᠨᠡᠬᠦ ᠤᠬᠤᠷᠬᠠᠨ ᠬᠤᠭᠤᠴᠠᠭᠠᠨ ᠲᠤᠳᠤᠷᠡ ᠤᠯᠠᠮᠵᠢᠯᠠᠬᠤ ᠮᠡᠳᠡᠯᠭᠡ ᠪᠠᠨ ᠤᠯᠠᠮᠵᠢᠯᠠᠬᠤ ᠦᠭᠡᠢ ᠰᠢᠭᠦᠮᠵᠢᠯᠡᠯᠲᠡ ᠪᠠ | ᠲᠡᠶᠢᠯᠪᠦᠷᠢᠯᠠᠯᠲᠠ ᠶᠢᠨ ᠬᠤᠯᠢᠮᠠᠭ ᠴᠠᠭ ᠪᠤᠯᠭᠠᠬᠤ ᠳᠤ ᠬᠦᠷᠪᠡᠯ ᠬᠢᠴᠢᠶᠡᠯ ᠴᠢᠨᠢ ᠦᠨᠡᠭᠡᠷ ᠭᠠᠰᠢᠭᠤᠨ ᠴᠤ ᠪᠢᠰᠢ ᠰᠢᠬᠢᠷᠯᠢᠭ | ᠴᠤ ᠪᠢᠰᠢ ᠪᠤᠯᠬᠤ ᠨᠢ ᠭᠠᠷᠴᠠᠭᠠ ᠦᠭᠡᠢ ᠶᠤᠮ᠃ ᠬᠢᠴᠢᠶᠡᠯ ᠤᠨ ᠴᠠᠭ ᠲᠤ ᠠᠩᠬᠠᠷᠤᠯ ᠨᠢ ᠲᠦᠪᠯᠡᠷᠡᠬᠦ ᠦᠭᠡᠢ ᠪᠠᠶᠢᠭᠠ | ᠠᠯᠢᠶᠠ ᠰᠤᠷᠤᠭᠴᠢᠳ ᠢ ᠶᠠᠮᠠᠷ ᠨᠢᠭᠡ ᠤᠷᠠᠯᠢᠭ ᠠᠷᠭᠠ ᠪᠠᠷ ᠪᠡᠶᠡ ᠦᠭᠡᠳᠡ ᠪᠠᠨ ᠲᠡᠳᠡᠵᠤ᠂ ᠲᠡᠳᠡᠨᠠᠷ ᠢ ᠪᠠᠶᠠᠰᠤᠩᠭᠤᠢ᠂ | ᠵᠤᠷᠢᠭᠵᠢᠭᠤᠯᠬᠤ ᠪᠠᠷ ᠭᠤᠤᠯ ᠪᠤᠯᠭᠠᠵᠤ ᠵᠢᠭᠠᠬᠤ ᠪᠤᠯ ᠪᠠᠭᠰᠢ ᠪᠤᠯᠤᠭᠰᠠᠳ ᠤᠨ ᠴᠢᠳᠠᠪᠦᠷᠢ ᠶᠢᠨ ᠠᠰᠠᠭᠤᠳᠠᠯ ᠮᠦᠨ᠃ | ᠪᠠᠭᠰᠢ ᠵᠤᠷᠢᠯᠭᠠ ᠲᠠᠢ ᠪᠠᠷ ᠦᠯᠡᠮᠵᠢ ᠮᠡᠳᠡᠯᠭᠡ ᠳᠡᠭᠡᠨ ᠲᠦᠰᠢᠭᠯᠡᠨ ᠲᠠᠳᠡᠨ ᠳᠤ ᠬᠦᠮᠦᠨ ᠪᠤᠯᠬᠤ ᠶᠢᠨ ᠬᠦᠨ ᠬᠦᠨᠵᠡᠭᠡᠢ | ᠶᠤᠰᠤ ᠤᠴᠢᠷ ᠢ ᠲᠠᠶᠢᠯᠪᠦᠷᠢᠯᠠᠨ ᠦᠭᠴᠤ᠂ ᠦᠨᠡᠨᠬᠦ ᠲᠡᠳᠡᠨ ᠢ ᠪᠢᠰᠢᠷᠡᠭᠦᠯᠵᠤ᠂ ᠰᠡᠳᠬᠢᠯ ᠤᠨ ᠬᠦᠪᠴᠢ ᠶᠢ ᠨᠢ | ᠲᠤᠷᠬᠢᠭᠤᠯᠵᠤ ᠴᠢᠳᠠᠭᠰᠠᠨ ᠪᠠᠶᠢᠪᠠᠯ ᠰᠠᠶ᠋ᠢ ᠲᠡᠳᠡᠨ ᠤ ᠲᠤᠳᠤᠭᠠᠳᠤ ᠰᠡᠳᠬᠢᠯᠭᠡ ᠳᠤᠨᠢ ᠬᠤᠪᠢᠷᠠᠯᠲᠠ ᠭᠠᠷᠭᠠᠵᠤ᠂ | ᠤᠬᠠᠮᠰᠠᠷᠲᠤ ᠴᠢᠨᠠᠷ ᠢ ᠨᠢ ᠳᠡᠭᠡᠭᠰᠢᠯᠡᠭᠦᠯᠵᠤ᠂ ᠪᠦᠬᠦ ᠲᠠᠯᠠ ᠪᠠᠷ ᠬᠦᠮᠦᠵᠢᠭᠳᠡᠭᠰᠡᠨ ᠴᠢᠳᠠᠪᠦᠷᠢᠲᠠᠨ ᠪᠤᠯᠭᠠᠵᠤ ᠴᠢᠳᠠᠨᠠ | ᠭᠡᠰᠡᠨ ᠢ ᠪᠠᠭᠰᠢ ᠪᠤᠯᠤᠭᠰᠠᠳ ᠠᠩᠬᠠᠷᠤᠯ ᠳᠠᠭᠠᠨ ᠠᠪᠤᠪᠠᠯ ᠵᠤᠬᠢᠨᠠ᠃ ︵ᠪᠠ᠊ · ᠤᠳᠽᠠᠷ︶ | |