| | | ᠬᠦᠮᠦᠨ ᠠᠮᠢᠳᠠᠨ᠂ ᠶᠠᠭᠤᠮᠠ ᠦᠵᠡᠭᠳᠡᠯ ᠤᠨ ᠲᠤᠭᠠ ᠬᠡᠮᠵᠢᠶᠡ᠂ ᠲᠡᠰ ᠳ᠋ᠤᠭᠠᠷ᠂ ᠪᠤᠯᠤᠭᠰᠠᠨ ᠤᠳᠠᠭᠠ ᠵᠡᠷᠭᠡ ᠶᠢ | ᠵᠢᠭᠠᠭᠰᠠᠨ ᠦᠭᠡ ᠶᠢ ᠲᠤᠭᠠᠨ ᠤ ᠦᠭᠡ ᠭᠡᠨᠡ᠃ ᠲᠤᠭᠠᠨ ᠤ ᠦᠭᠡ ᠶᠢᠨ ᠲᠦᠷᠦᠯ ᠵᠦᠢᠯ ᠲᠤᠭᠠᠨ ᠤ ᠦᠭᠡ ᠶᠢ ᠤᠳᠬᠠ | ᠪᠠ ᠬᠡᠯᠪᠡᠷᠢ ᠶᠢ ᠨᠢ ᠦᠨᠳᠦᠰᠦᠯᠡᠨ ᠬᠤᠪᠢᠶᠠᠪᠠᠯ ᠲᠤᠤᠷᠠᠬᠢ ᠮᠡᠳᠦ᠄ | 1. ᠦᠨᠳᠦᠰᠦᠨ ᠲᠤᠭᠠᠨ ᠤ ᠦᠭᠡ — ᠬᠦᠮᠦᠨ ᠠᠮᠢᠳᠠᠨ᠂ ᠶᠠᠭᠤᠮᠠ ᠦᠵᠡᠭᠳᠡᠯ ᠤᠨ ︽ᠬᠡᠳᠦ᠂ ᠬᠡᠴᠢᠨᠡᠭᠡᠨ︾ | ᠪᠤᠯᠬᠤ ᠶᠢ ᠵᠢᠭᠠᠭᠰᠠᠨ ᠦᠭᠡ ᠶᠢ ᠬᠡᠯᠡᠨᠡ᠃ ᠵᠢᠱᠢᠶᠡᠯᠡᠪᠡᠯ᠄ ᠨᠢᠭᠡ᠂ ᠬᠤᠶᠡᠷ᠂ ᠵᠠᠭᠤ᠂ ᠮᠢᠩᠭᠠ᠂ ᠲᠦᠮᠡ᠂ ᠳ᠋ᠦᠩᠰᠢᠭᠤᠷ | ᠭᠡᠬᠦ ᠮᠡᠳᠦ᠃ | 2. ᠲᠡᠰ ᠲᠤᠭᠠᠨ ᠤ ᠦᠭᠡ — ᠦᠨᠳᠦᠰᠦᠨ ᠲᠤᠭᠠᠨ ᠤ ᠦᠭᠡᠨ ᠳᠤ ︽ᠳ᠋ᠤᠭᠠᠷ ᠳ᠋ᠦ᠋ᠭᠡᠷ᠂ ᠳᠠᠬᠢ︾ ᠲᠠᠭᠠᠪᠤᠷᠢ | ᠵᠠᠯᠭᠠᠵᠤ᠂ ᠬᠦᠮᠦᠨ ᠶᠠᠭᠤᠮᠠ᠂ ᠦᠵᠡᠭᠳᠡᠯ ᠤᠨ ᠲᠡᠰ ᠳ᠋ᠤᠭᠠᠷ ᠢ ᠵᠢᠭᠠᠳᠠᠭ ᠦᠭᠡᠰ ᠢ ᠬᠡᠯᠡᠨᠡ᠃ ᠲᠡᠰ ᠲᠤᠭᠠᠨ ᠤ ᠦᠭᠡ ᠨᠢ | ︽ᠬᠡᠳᠦᠳᠦᠭᠡᠷ︖ ᠬᠡᠳᠦ ᠳᠠᠬᠢ︖︾ ᠭᠡᠰᠡᠨ ᠠᠰᠠᠭᠤᠯᠳᠠ ᠳᠤ ᠬᠠᠷᠢᠭᠤᠯᠤᠭᠳᠠᠨᠠ᠃ ᠵᠢᠱᠢᠶᠡ᠄ ᠨᠢᠭᠡᠳᠦᠭᠡᠷ᠂ | ᠵᠢᠷᠭᠤᠳᠤᠭᠠᠷ᠂ ᠠᠷᠪᠠ ᠳᠠᠬᠢ ᠭᠡᠬᠦ ᠮᠡᠳᠦ᠃ ᠲᠡᠰ ᠲᠤᠭᠠᠨ ᠤ ᠦᠭᠡ ᠨᠢ ᠵᠠᠷᠢᠮ ᠲᠤᠰᠬᠠᠢ ᠦᠭᠡ ᠪᠠᠷ ᠴᠦ ᠢᠯᠡᠷᠡᠳᠡᠭ᠃ | ᠵᠢᠱᠢᠶᠡ᠄ ᠲᠡᠷᠢᠭᠦᠨ — ᠨᠢᠭᠡᠳᠦᠭᠡᠷ᠂ ᠲᠡᠳ᠋ — ᠬᠤᠶᠠᠳᠤᠭᠠᠷ᠂ ᠠᠩᠬᠠ — ᠨᠢᠭᠡᠳᠦᠭᠡᠷ ︵ᠠᠩᠬᠠᠳᠤᠭᠠᠷ᠂ | ᠠᠩᠬᠠᠳᠠᠭᠴᠢ︶ ᠭᠡᠬᠦ ᠮᠡᠳᠦ᠃ | 3. ᠬᠠᠮ ᠲᠤᠭᠠᠨ ᠤ ᠦᠭᠡ — ᠦᠨᠳᠦᠰᠦᠨ ᠲᠤᠭᠠᠨ ᠤ ᠦᠭᠡᠨ ᠳᠤ ︽ᠭᠤᠯᠠ ᠭᠦ᠋ᠯᠡ︾ ᠲᠠᠭᠠᠪᠤᠷᠢ ᠵᠠᠯᠭᠠᠵᠤ | ᠬᠦᠮᠦᠨ ᠶᠠᠭᠤᠮᠠ ᠶᠢᠨ ᠤᠯᠠᠨ ᠢ ᠵᠢᠭᠠᠳᠠᠭ ᠦᠭᠡ ᠶᠢ ᠬᠡᠯᠡᠨᠡ᠃ ᠬᠠᠮ ᠲᠤᠭᠠᠨ ᠤ ᠦᠭᠡ ︽ᠬᠡᠳᠦᠭᠦᠯᠡ︖︾ ᠭᠡᠬᠦ | ᠠᠰᠠᠭᠤᠯᠳᠠ ᠳᠤ ᠬᠠᠷᠢᠭᠤᠯᠤᠭᠳᠠᠨᠠ᠃ ᠵᠢᠱᠢᠶᠡ᠄ ᠲᠦᠷᠪᠡᠭᠦᠯᠡ᠂ ᠲᠠᠪᠤᠭᠤᠯᠠ ᠭᠡᠬᠦ ᠮᠡᠳᠦ᠃ | 4. ᠲᠦᠢᠮᠤ ᠲᠤᠭᠠᠨ ᠤ ᠦᠭᠡ — ᠦᠨᠳᠦᠰᠦᠨ ᠲᠤᠭᠠᠨ ᠤ ᠦᠭᠡᠨ ᠳᠤ ︽ᠭᠠᠳ ᠭᠡᠳ︾ ᠲᠠᠭᠠᠪᠤᠷᠢ | ᠵᠠᠯᠭᠠᠵᠤ᠂ ᠲᠤᠭᠠ ᠬᠡᠮᠵᠢᠶᠡ ᠶᠢ ᠲᠦᠢᠮᠤᠴᠢᠯᠠᠨ ᠵᠢᠭᠠᠳᠠᠭ ᠦᠭᠡ ᠶᠢ ᠭᠡᠯᠡᠨᠡ᠃ ᠲᠦᠢᠮᠤ ᠲᠤᠭᠠᠨ ᠤ ᠦᠭᠡ ᠨᠢ ︽ᠬᠡᠳᠦᠢ︖ | ︾ ᠭᠡᠬᠦ ᠠᠰᠠᠭᠤᠯᠳᠠ ᠳᠤ ᠬᠠᠷᠢᠭᠤᠯᠤᠭᠳᠠᠨᠠ᠃ ᠵᠢᠱᠢᠶᠡ᠄ ᠵᠠᠭᠤᠭᠠᠳ᠂ ᠲᠦᠮᠡᠭᠡᠳ ᠭᠡᠬᠦ ᠮᠡᠳᠦ᠃ ᠪᠠᠰᠠ ︽ᠠᠷᠪᠠᠳ᠂ | ᠬᠤᠷᠢᠳ᠂ ᠠᠷᠪᠠ ᠬᠤᠷᠢ᠂ ᠨᠢᠭᠡ ᠵᠠᠭᠤ ᠲᠠᠯᠠ ᠨᠠᠶᠠ᠂ ᠠᠷᠪᠠ ᠰᠢᠬᠠᠮ᠂ ᠵᠠᠭᠤ ᠤᠷᠴᠢᠮ᠂ ᠲᠦᠮᠡ ᠭᠠᠷᠤᠢ᠂ ᠭᠤᠴᠢ | ᠢᠯᠡᠭᠦᠦ᠂ ᠬᠡᠳᠦᠨ ᠵᠠᠭᠤ︾ ᠭᠡᠬᠦ ᠮᠡᠳᠦ ᠪᠠᠷ ᠢᠯᠡᠷᠡᠳᠡᠭ ᠴᠦ ᠪᠤᠢ᠃ | 5. ᠲᠦᠭᠡᠭᠡᠯ ᠲᠤᠭᠠᠨ ᠤ ᠦᠭᠡ — ᠬᠦᠮᠦᠨ ᠠᠮᠢᠳᠠᠨ᠂ ᠶᠠᠭᠤᠮᠠ ᠦᠵᠡᠭᠳᠡᠯ ᠢ ᠬᠡᠰᠡᠭᠯᠡᠨ ᠬᠤᠪᠢᠶᠠᠬᠤ ᠳᠤ ᠪᠠᠨ | ᠲᠤᠰ ᠲᠤᠰ ᠠᠳᠠᠯᠢ ᠲᠡᠭᠰᠢ ᠨᠤᠭᠳᠠᠭᠤᠯᠳᠠᠭ ᠦᠭᠡ ᠶᠢ ᠬᠡᠯᠡᠨᠡ᠃ ᠲᠦᠭᠡᠭᠡᠯ ᠲᠤᠭᠠᠨ ᠤ ᠦᠭᠡ ᠨᠢ ︽ᠬᠡᠳᠦ ᠬᠡᠳᠦ ᠪᠠᠷ︖ | ︾ ᠭᠡᠬᠦ ᠠᠰᠠᠭᠤᠯᠳᠠ ᠳᠤ ᠬᠠᠷᠢᠭᠤᠯᠤᠭᠳᠠᠵᠤ᠂ ᠦᠨᠳᠦᠰᠦᠨ ᠲᠤᠭᠠᠨ ᠤ ᠦᠭᠡ ᠶᠢ ᠲᠠᠪᠳᠠᠵᠤ ᠢᠯᠡᠷᠡᠭᠦᠯᠳᠡᠭ᠃ ᠵᠢᠱᠢᠶᠡ᠄ | ᠲᠠᠪᠤ ᠲᠠᠪᠤ ᠪᠠᠷ᠂ ᠭᠤᠴᠢ ᠭᠤᠴᠢ ᠪᠠᠷ᠂ ᠭᠡᠬᠦ ᠮᠡᠳᠦ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠪᠠᠰᠠ ᠨᠢᠵᠡᠭᠡᠳ — ᠨᠢᠭᠡ ᠨᠢᠭᠡ᠂ | ᠬᠤᠰᠢᠶᠠᠳ — ᠬᠤᠶᠠᠷ ᠬᠤᠶᠠᠷ ᠭᠡᠬᠦ ᠮᠡᠳᠦ ᠪᠠᠷ ᠢᠯᠡᠳᠭᠡᠳᠡᠭ᠃ | 6. ᠲᠠᠬᠢᠬᠤ ᠲᠤᠭᠠᠨ ᠤ ᠦᠭᠡ — ᠦᠢᠯᠡ ᠪᠠᠶᠢᠳᠠᠯ ᠤᠨ ᠬᠡᠳᠦ ᠤᠳᠠᠭᠠ᠂ ᠬᠡᠳᠦ ᠲᠠᠬᠢᠨ ᠪᠤᠯᠤᠭᠰᠠᠨ ᠢ | ᠵᠢᠭᠠᠭᠰᠠᠨ ᠦᠭᠡ ᠶᠢ ᠬᠡᠯᠡᠨᠡ᠃ ᠲᠠᠬᠢᠬᠤ ᠲᠤᠭᠠᠨ ᠤ ᠦᠭᠡ ᠨᠢ ︽ᠬᠡᠳᠦ ᠤᠳᠠᠭᠠ︖ ᠬᠡᠳᠦᠨᠳᠡ︖ ᠬᠡᠳᠦ ᠲᠠᠬᠢᠨ︖ | ︾ ᠭᠡᠰᠡᠨ ᠠᠰᠠᠭᠤᠯᠳᠠ ᠳᠤ ᠬᠠᠷᠢᠭᠤᠯᠤᠭᠳᠠᠨᠠ᠃ ᠵᠢᠱᠢᠶᠡ᠄ ᠭᠤᠷᠪᠠᠨᠳᠠ᠂ ᠭᠤᠷᠪᠠ ᠤᠳᠠᠭᠠ᠂ ᠲᠦᠷᠪᠡ ᠲᠠᠬᠢᠨ ᠭᠡᠬᠦ | ᠮᠡᠳᠦ᠃ | 7. ᠪᠤᠳᠠᠷᠬᠠᠢ ᠲᠤᠭᠠᠨ ᠤ ᠦᠭᠡ — ᠬᠦᠮᠦᠨ ᠶᠠᠭᠤᠮᠠ ᠶᠢ ᠬᠡᠳᠦᠨ ᠤ ᠬᠡᠳᠦ ᠭᠡᠵᠤ ᠬᠤᠪᠢᠶᠠᠭᠰᠠᠨ ᠦᠭᠡ ᠶᠢ | ᠬᠡᠯᠡᠨᠡ᠃ ︽ᠬᠡᠳᠦᠨ ᠤ ᠬᠡᠳᠦ︖︾ ᠭᠡᠬᠦ ᠠᠰᠠᠭᠤᠯᠳᠠ ᠳᠤ ᠬᠠᠷᠢᠭᠤᠯᠤᠭᠳᠠᠨᠠ᠃ ᠵᠢᠱᠢᠶᠡ᠄ ᠭᠤᠷᠪᠠᠨ ᠤ ᠨᠢᠭᠡ᠂ | ᠲᠤᠯᠤᠭᠠᠨ ᠤ ᠬᠤᠶᠠᠷ᠂ ᠵᠠᠭᠤᠨ ᠤ ᠲᠠᠪᠢ ᠭᠡᠬᠦ ᠮᠡᠳᠦ᠃ | 8. ᠴᠢᠮᠠᠯᠠᠭᠰᠠᠨ ᠲᠤᠭᠠᠨ ᠤ ᠦᠭᠡ — ᠤᠤᠯ ᠲᠤᠭᠠᠨ ᠤ ᠦᠭᠡᠨ ᠳᠤ ᠴᠢᠮᠠᠯᠠᠭᠰᠠᠨ ᠤᠳᠬᠠ ᠤᠷᠤᠭᠤᠯᠳᠠᠭ | ᠦᠭᠡ ᠶᠢ ᠬᠡᠯᠡᠨᠡ᠃ ᠴᠢᠮᠠᠯᠠᠭᠰᠠᠨ ᠲᠤᠭᠠᠨ ᠤ ᠦᠭᠡ ᠶᠢ ᠪᠤᠰᠤᠳ ᠲᠤᠭᠠᠨ ᠤ ᠦᠭᠡᠨ ᠳᠤ ︽ᠬᠠᠨ ᠬᠡᠨ︾ ᠲᠠᠭᠠᠪᠤᠷᠢ | ᠵᠠᠯᠭᠠᠵᠤ ᠢᠯᠡᠷᠡᠭᠦᠯᠳᠡᠭ᠃ ᠵᠢᠱᠢᠶᠡ᠄ ᠠᠷᠪᠠᠭ᠋ᠠᠨ᠂ ᠲᠠᠪᠤᠭᠤᠯᠠᠬᠠᠨ ᠭᠡᠬᠦ ᠮᠡᠳᠦ᠃ | 9. ᠬᠡᠮᠵᠢᠭᠦᠷ ᠤᠨ ᠦᠭᠡ — ᠬᠦᠮᠦᠨ ᠶᠠᠭᠤᠮᠠ ᠪᠠ ᠦᠢᠯᠡ ᠪᠠᠶᠢᠳᠠᠯ ᠤᠨ ᠲᠤᠭᠠ ᠬᠡᠮᠵᠢᠶᠡ ᠶᠢ ᠢᠯᠡᠳᠭᠡᠬᠦ | ᠬᠡᠮᠵᠢᠭᠦᠷ ᠤᠨ ᠨᠢᠭᠡᠴᠢ ᠶᠢ ᠨᠡᠷᠡᠯᠡᠳᠡᠭ ᠦᠭᠡᠰ ᠢ ᠬᠡᠮᠵᠢᠭᠦᠷ ᠤᠨ ᠦᠭᠡ ᠭᠡᠳᠡᠭ᠃ | ︵1︶ ᠲᠤᠭᠠᠨ ᠤ ᠦᠭᠡ ᠶᠢ ᠲᠠᠭᠠᠬᠤ᠃ ᠵᠢᠱᠢᠶᠡ᠄ ᠠᠷᠪᠠᠨ ᠠᠶᠠᠭᠠ ᠰᠦ᠂ ᠭᠤᠷᠪᠠᠨ ᠵᠢᠩ ᠮᠢᠬᠠ᠂ ᠲᠠᠪᠤᠨ | ᠴᠠᠭ ᠬᠡᠷᠡᠭᠰᠡᠨᠡ ᠭᠡᠬᠦ᠂ | ︵2︶ ᠨᠢᠭᠡ ᠭᠡᠬᠦ ᠲᠤᠭᠠᠨ ᠤ ᠦᠭᠡ ᠪᠠᠨ ᠠᠪᠬᠤ ᠦᠭᠡᠢ ᠪᠠᠷ ᠢᠯᠡᠷᠡᠬᠦ᠃ ᠵᠢᠱᠢᠶᠡ᠄ ︵ᠨᠢᠭᠡ︶ ᠠᠳᠬᠤ | ᠪᠤᠳᠠᠭᠠ ᠶᠢ ᠴᠦ ᠠᠷᠪᠢᠯᠠᠬᠤ ᠬᠡᠷᠡᠭᠳᠡᠢ᠂ ︵ᠨᠢᠭᠡ︶ ᠬᠡᠰᠡᠭ ᠮᠢᠬᠠ ᠠᠪᠤᠭᠠᠷᠠᠢ ᠭᠡᠬᠦ ᠮᠡᠳᠦ᠃ | |